lankasri.comஅதிநவீன வசதிகளுடன் சமீபத்தில் அறிமுகப்படுத்தப்பட்ட ஐ-போன்களை (iPhone) குளிர்காலத்தில் பயன்படுத்துவது உடல் நலத்திற்கு தீங்கினை ஏற்படுத்தும் என வல்லுனர்கள் எச்சரித்துள்ளனர்.தற்போது உலகளவில் பயன்படுத்தப்படும் சாதாரண ரக செல்போன்களில் உள்ள எண் பட்டைகளை (Key pad) பயன்படுத்தி குறுஞ்செய்திகள் மற்றும் பிறருக்கு அழைப்பு விடுதல் மேற்கொள்ளப்படுகிறது.ஆனால் புதிதாக அறிமுகப்படுத்தப்பட்டுள்ள ஐ-போனில், எண் பட்டைகள் இல்லாததால், அதில் உள்ள தொடுதிரை (Touch Screen) மூலமாகவே அனைத்து செயல்பாடுகளையும் மேற்கொள்ள வேண்டியுள்ளது.இதன் காரணமாக விரலின் நுண்ணிய பாகங்களுக்கு கூடுதல் வேலைப்பளு ஏற்படுவதாகவும், குளிர் காலத்தில் ஐ-போனை பயன்படுத்துவதால், சுளுக்கு உள்ளிட்ட உபாதைகள் ஏற்படும் என்றும் இங்கிலாந்தின் சிரோபிராக்டிக் அசோசியேஷன் (Chiropractic Association) எச்சரித்துள்ளது.

தற்போது இங்கிலாந்தில் 5 லட்சத்திற்கும் அதிகமான ஐ-போன்கள் விற்கப்பட்டுள்ள நிலையில், இந்த சர்ச்சை குறித்து ஐ-போன் தயாரிப்பு நிறுவனமான ஆப்பிள் எந்த கருத்தையும் தெரிவிக்கவில்லை என்பது குறிப்பிடத்தக்கது.