நேற்று இங்கு Long weedend ஆனபடியால் குடும்பத்தாருடன் குதுகலாமாக்  சில இடங்களுக்கு பயணமாணோம். அப்போது காரினுள் வானொலியை பல அலைவரிசைகளை திருப்பியபடி வந்த போது ஒரு நிலையத்தில் காரசாரமான விவாதம் நடைபெற்றுக்கொண்டிருந்தது.

உலகில் மனிதனின் தோற்றத்தை ஆதாம் ஏவாள் உடனும், டாவின்சியின் உயிரியல் கோப்புடனும் ஒப்பிட்டு – இதுசரி, இதுபிழை என்று பைபிளைஎல்லாம் ஆதாரம் காட்டி களளகட்டியது அந்த நிகழ்ச்சி!
அட என்னதான் இந்த ஆதாம் ஏவாள் விடயம் என்று ஆராய் வீட்டிற்கு வந்ததும் முதல்வேலையா என் Computer முன் உற்காந்தேன்….

சரி சரி…. என் ஆராட்சிக்குமுன் இந்த ஜோக்கை கொஞ்சம் படியுங்களேன்…

[ஆதாம் ஏவாள் (மட்டும் வாழ்ந்த காலம்) இவர்கள் தவிர வேறுயாரும் இல்லை, இவர்களுக்கு இன்னும் முதல் மகன்கூட பிறக்கவில்லை.
ஆதாம் மாலை மயங்கும் நேரத்தில் வேலையெல்லாம் செய்துவிட்டு, மிகவும் சோர்வாக வீட்டிற்கு வருகிறார்.]

ஏவாள்: ஏன் இவ்வளவு லேட்டு.
ஆதாம்: இன்னிக்கு கொஞ்சம் வேலை அதிகமாக இருந்தது
ஏவாள்: எனக்கு தெரியும், நீங்கள் வேறு ஒரு பெண்ணை திருமணம் செய்து இருக்கீங்க. அங்கேயிருந்து தானே வரீங்க?
ஆதாம்: இல்லை. அப்படி யாரும் இல்லை. உனக்கு தெரியும் இல்லே, நீயும், நானும் தவிர வேறு யாரும் இல்லை இவ் உலகில் என்று.
ஏவாள்: சரி போங்க, நம்பரேன்.

[ஆதாம், ஏவாள் இருவரும் சாப்பிட்டார்கள். ஆதாம் தூங்கிவிட்டார். சிறிது நேரம் சென்றவுடன், ஏவாள் ஆதாமின் பக்கம் வந்து, அவர் பக்கத்தில் உட்கார்ந்துக்கொண்டு, 1, 2, 3, என்று எண்ணிக்கொண்டு இருந்தார். என்ன இது? யாரொ எண்ணுகின்ற சத்தம் வருகிறது என்று, ஆதம் தூக்கத்திலிருந்து எழுந்து பார்க்கிறார்.]

ஆதாம்: என்ன செய்கிறாய்?
ஏவாள்: ஒன்னுமில்லே, உங்க விலா எலும்புகள் எத்தனை இருக்கு என்று பார்க்கிறேன்.
ஆதாம்: இப்போ அதுக்கு என்ன அவசரம், அதுவும் இராத்திரியிலே?
ஏவாள்: இல்லே, உங்க விலாவிலிருந்து ஒரு எலும்பை எடுத்து தேவன் என்னை படைச்சாரு இல்லையா? அதே போல இன்னொரு எலும்பு எடுத்து எனக்கு தெரியாம, வேறு ஒரு பொம்பளையை படைச்சு இருப்பரோ?! என்று எண்ணிப் பார்க்கிறேன். ….

சரி இப்ப விசயத்திற்கு வருவோம். பலவருடத்திற்கு முன் ஒருமுறை என் நண்பர்கள் எல்லாரும் கூடியிருந்த வேளை இந்த ஆதாம் ஏவாள் விடயம் வந்து பலதரப்பட்ட விவாதங்கள் வந்து, சரியான விடைதெரியாமல் விலகிச்சென்றோம்.

அப்போதெல்லாம் Computer, Internet எதுவுமே கிடைக்காத காலம். அப்போது நாம் விவாதித்த விடையம் பளிச்சென்று ஞாபகத்துக்கு வர… அதையே பிடித்துக்கொண்டு தேடல் தொடங்கியது…!

அதாவது ஆதாம் ஏவாளை ஆண்டவன் உலகில் முதல்முதல் மனித உருவில் படைத்தான் என்பது. ஆதாமை முதலில் படைத்த இறைவன் ஆதாமின் விலா எலும்பில் இருந்து ஏவாளை படைத்தாக பைபிள் கூறுகின்றது.

சரி அதுவேதான் உண்மை என்று வைத்துக்கொண்டாலும், அத்தனை ஆதாம் ஏவாள் படங்களிலும் எப்படி இருவருக்கும் தொப்புள் இருக்கின்றது?

தொப்புள் என்பது தாயில் இருந்து சேயிற்கு கற்பகாலத்தில் உணவு குருதி போன்றன வளங்குவதற்கு இருவருக்கும் இடையில் ஏற்படுத்தப்டுத்தப்பட்ட ஒரு குளாயின் (தொப்புள்கொடி) அடையாளமே என்பதில் யாருக்கும் மாற்றுக்கருத்து இருக்காது.

இது இப்படி இருக்க ஒரு தாயிற்கும் பிறக்காமல் – ஆண்டவனால் படைக்கப்பட்ட ஆதாமிற்கும் ஏவாளிற்கும் எப்படி தொப்புள் வந்தது என்பதுதான்!!!