karunanidhi-bday.jpg

லங்கைத் தமிழருக்காக பல அரசியல் தலைவர்கள், மக்கள் செல்வாக்குள்ள நடிகர்கள் தமது பிறந்தநாளை கொண்டாட மாட்டோம் என அறிவித்துக் கொண்டிருக்கும் இவ் வேளையில், ஆயிரக்கணக்கில் இலங்கைத்தமிழர் மடிந்த இவ்வேளையிலும் கருனாநிதி கேக் வெட்டி தனது பிறந்ததினத்தை கொண்டாடினார்.

எப்படி ஐயா மனது வந்தது கேக் வெட்டிக் கொண்டாட?

போரை நிறுத்தி அப்பாவி மக்களை காப்பாற்றுங்கள் என்று தமிழ் உலகமே கண்ணீர் விட்டபோதும், காணாதது போல் பேசாமல் இருந்து விட்டீரே ஐயா..!

இன்று தமிழ் உயிர்கள் ஆயிரக்கணக்கில் மாய்ந்துவிட்டனர்… லட்சக்கணக்கில் உறுப்புகளை இழந்துவிட்டனர்…, லட்சக்கணக்கில் உணவின்றி, நீர் இன்றி, மருந்தின்றி வதை முகாம்களுக்குள் முடக்கப்பட்டுள்ளனர்.

ஒவ்வொரு உலகத்தமிழன் வீட்டிலும் ஆகக்குறைந்தது ஒரு சாவு வீடு.

எனக்குத் தெரிந்த ஒரு அம்மணி இரண்டு வாரங்களாக உணவருந்தாமல் இருக்கின்றார். உங்களைப் போலும், உங்களைப் போல்  பேருக்காக  உண்ணா விரதம் இருந்த சிலரைப்போலும் உண்ணாவிரதம் இருந்தது போல் இல்லாமல், உண்ணாவிரதம் என்று ஒரு வார்த்தைகூட சொல்லாமல்  உலகுக்கு தம்பட்டம் அடிக்காமல், உயிரை வதைத்து உணவருந்தாமல் இருக்கின்றார். இப்படி எமக்குத் தெரியாமல் எத்தனையோ…?

தமது உறவுகள் என்னவானார்கள் என்றே தெரியாமல் பதை பதைத்துக் கொண்டு எத்தனை ஜீவன்களோ…?

எப்படி ஐயா மனது வந்தது கேக் வெட்டிக் கொண்டாட?