நடக்கவே முடியாத குடுகுடு 69 வயதான மூதாட்டி ஒருவரை கனடிய குடிவரவு திணைக்களத்தினர் கடந்த Aug 23ம் திகதி Toronto Pearson International Airportன் ஊடாக நாடுகடத்தியது!

இத்தனைக்கும் இவர் 11 ஆண்டுகள் கனடாவில் வசித்து வந்துள்ளார்!!

மூதாட்டியின் பெயர் Stefania Magdziak. இவருக்கு இரண்டு பிள்ளைகள், எட்டு பேரப் பிள்ளைகள், இரண்டு பூட்டப் பிள்ளைகள்.

1998ம் ஆண்டு Landed immigarant ஆன தன் குடும்பத்தாரிடம் சில மாதங்களின் பின் visiter visaவில் வந்த இந்த மூதாட்டி பின்னர் திரும்பவே இல்லை.

அகதிகள் அந்தஸ்த்துக்கு விண்ணப்பித்திருந்த இவருக்கு அது நிராகரிக்கப் பட்டு, இவரின் சொந்த நாடான Polandக்கு நாடு கடத்தப்பட்டார்.

உன்னை விரைவில் திரும்பிவர நாங்கள் ஆவன செய்வோம் என அவரது பேத்தி கடைசி வேளை ஆறுதல் கூறுகின்றார்

“Poland செல்லும் இவருக்கு அங்கு யாரும் இல்லை. அதாவது விமான நிலையத்தில் இவரை வரவேற்க யாரும் போகப்போவதும் இல்லை”, என் கண்கள் குளமாக சொன்னார் ஒரு குடும்ப உறுப்பினர். இந்த செய்தியை Toronto Sun செய்தித்தாள் தன் முதல் பக்கத்தில் முக்கிய செய்தியாக பிரசுரித்தும் இருக்கின்றது.

சென்றுவா பாட்டி, நீ என்ன தேசியத் தலைவரையா பெற்றெடுத்தாய்? உன்னைப் போலத் தானே தேசியப் பாட்டியும் அவர் என்னவானார்? எங்கு இருக்கின்றார்? தமிழர்களின் தேசியப் பாட்டி, பாட்டனையே அம்போ வென்று விட்டுவிட்டு,  அதைப்பற்றி ஒரு மூச்சுக்கூட விடாத தமிழ் மக்கள் நாங்கள். நாய்களை கொஞ்சித் திரியும் நாகரீக மக்களுக்கு உன்சேதி முதல்பக்க செய்திதான்!