நவம்பர் 2009


தலைவருடன் அன்னாளில் தமது நினைவலைகளை மீட்கின்றனர் இவர்கள்…

http://www.tubetamil.com/view_video.php?viewkey=a646cfa759a8c5fb599e

என்னைப்போல் அம்மா, அப்பா, அண்ணா, அக்கா, தம்பி, தங்கைகளுடன் தான் நீயும் பிறந்தாய்!

நான் நாளை நல்லா இருக்கவேண்டும், என் வீடு, என் குடும்பம், என் உறவுகள்… இப்படி அனைத்தையும் பாதுகாக்க  வேண்டும் என்பதற்காக நீ உன் உயிரைவிட்டாய்..

உயிரை விட்டாய் என்பதைவிட உயிரைக்கொடுத்தாய் என்பதே சரி. எல்லாம் நீயே பாதுகாப்பாய் என்றுவிட்டு நான்  காதலியை  கைபிடிக்க  ஓடிவந்துவிட்டேன். உன் காதலி என்னவானாள்…? உன்காதல்தான் என்னவாச்சு…?

மூன்றுக்கு ஐந்துதரம், உணவுண்டு – உறகுகின்றேன். நீ ஒரு வேளை உணவுக்கு இலையையும், தளையையும் உண்டாயாமே..? சிலவேலை அதுவும் இல்லையாமே உனக்கு…!

நீ இறந்தபின்பும் உன்னை நிர்வாணமாக்கி பாலியல் தொந்தரவு செய்தவர்களிடம் உயிருடன் பிடிபட்டபோது உன் கதி என்னவாகி இருக்கும் என்று என்னால் கற்பனை செய்ய முடியவில்லையே…!

இறுதியாக உன் கண்னையும் கட்டி, கையையும் கட்டி உன் தலையில் சூடிவாங்குவதற்கு சற்று நேரத்திற்கு முன் நீ என்ன நினைத்திருப்பாய் சகோதரா…?

உன்னை ஒருதரம் உயிருடன் சந்திக்கும் சந்தர்ப்பம் கிடைத்திருந்தால்… … … ம்… கனவாகியே போய்விட்டது…!

எனக்காக உயிரை விட்ட உனக்கு சிலதுளி கண்ணீரை காணிக்கையாக கொடுத்துவிடுகின்றேன்…!

என் உயிர் பிரியும்வரை, வாழ்நாளில் மனதில் உள்ள ஒரு குற்ற உணர்வு நீதான்…!

 

தமிழனுக்கு இருக்கும் வீரத்தையும், தன்மானத்தையும் உலகிற்கு உணர்த்திய வீரனே!

உலகின் மூலை முடுக்கெல்லாம் தமிழ் இனத்தை இனம் காட்டியவனே, வாய்ச்சொல்லில் வீரராகிய நாமெல்லாம் உன்னுடன் உறுதுணையாய் இருந்திருந்தால் இன்று உலகில் வரைபடத்தில் எம் நாடும் கொடி நாட்டியிருக்கும்.

கோழையாய் ஓடிவந்த எம்மால் உனை வாழ்த்த தகுதியும், மனமுமில்லை….

வணங்குகின்றோம்!

 

நடிப்பு: ஜான் குசெக், அமெண்டா பீட், சிவிடெல் எஜியோபர், தாண்டி நியூடன்

இயக்கம்: ரோலண்ட் எமிரிக்

தயாரிப்பு: கொலம்பியா பிக்சர்ஸ்

 ‘உலகம் அழிய நேர்ந்தால்…’ என்ற இந்த ஒற்றைச் சொல்லை வைத்துக்கொண்டு இன்டிபெண்டன்ஸ் டே, தி டே ஆப்டர் டுமாரோ போன்ற படங்களைத் தந்த ரோலண்ட் எமெரிக்கின் கற்பனையின் இன்னுமொரு படம் இந்த 2012.

உலகம் முழுக்க பாக்ஸ் ஆபீஸ் வசூலில் கலக்கிக் கொண்டிருக்கும் இந்தப் படம் தமிழில் ‘ருத்ரம்’ என்ற பெயரில் வெளியாகியுள்ளது. கதை இன்றைய 2009ல் துவங்குகிறது. பூகம்பம் மற்றும் சுனாமி மூலம் பூமிக்கு அழிவு நெருங்குவதை விஞ்ஞானிகள் அமரிக்க அரசுக்கு அறிக்கையாகத் தருகிறார்கள். பூமியைக் காக்க உலக நாடுகள் தடுப்பு நடவடிக்கைகளில் இறங்குகின்றன. பலனில்லை. 2012ல் உலகின் அழிவு துவங்குகிறது.

பெரும் ஆக்ரோஷத்தோடு பூமி வாய்பிளக்க பெரிய பெரிய நகரங்கள் புதையுண்டு போகின்றன. கண் முன்னே பெரும் அவலம் நடக்க என்ன செய்வதென்று தெரியாமல் கைபிசைந்து நின்று அந்த அழிவில் ஐக்கியமாகின்றன.

இதற்கிடையில் அமெரிக்காவில் வசிக்கும் ஜான் குசேக் தனது குடும்பத்தினரை காப்பாற்ற போராடுகிறார். பூமி மேலடுக்கு அதன் பாதாளத்துக்கு இறங்கும் நிலையில் ஜான்குசேக் காரை வேகமாக ஒட்டி குடும்பத்தினரை காப்பாற்றி விமானத்தில் ஏற்றி மயிரிழையில் உயிர் தப்புகிறார்… என்று போகிறது கதை.

அட கதையை விடுங்க. இந்த மாதிரி படங்களுக்கு கதை, திரைக்கதையை விட அதை பிரமாண்டமாய், ரசிகர்கள் வாய் பிளக்கும் விதத்தில் படமாக்குவதுதான் சவால். அந்த வகையில் மிரட்டியிருக்கிறார் ரோலண்ட். நாயகன் குடும்பத்தோடு தப்பிக்கும் காட்சி அச்சு அதல் சினிமாத்தனம் என்றாலும், அந்த காட்சியமைப்பு சீட் நுனிக்கு கொண்டு வந்துவிடுகிறது ரசிகர்களை.

எரிமலை தீப்பிடிப்புகள் பூமிக்குள் இருந்து சீறி பாய்வது, மலைகள் பிளந்து உருள்வது, வானளாவிய கட்டிடங்கள் சரிந்து மண்ணில் புதைவது, மேம்பாலங்கள் உடைந்து கார்கள் பொம்மைகளாய் வானில் இருந்து விழுவது, பாலம் உடைந்து ரயில் தூக்கி வீசப்படுவது, ஒரு பல மாடி சூப்பர் மார்க்கெட் பாதியாக பிளப்பது, சுனாமி பேரலை நிலப்பகுதியை விழுங்குவது, கப்பல்கள் தூக்கி வீசப்பட்டு குடியிருப்புகளில் வந்து விழுவது என நம்மை உறைய வைக்கின்றன காட்சிகள்.

உலகம் அழியும் காட்சியை உருவாக்கிய விதத்துக்காக இயக்குநருக்கும் அவரது கிராபிக்ஸ் டீமுக்கும் உலகம் முழுவதுமே ஆச்சரியம் கலந்த பாராட்டுக்கள் குவிந்து வருகின்றன. சினிமா தொழில் நுட்பத்தின் உச்சம் இந்தக் காட்சிகள். ஒரு அழிவைச் சொல்ல இத்தனை செலவும் உழைப்பும் தொழில் நுட்பமும் தேவையா என்றெல்லாம் விமர்சனங்கள் வரக்கூடும்…

இந்தப் படத்துக்காக செலவான தொகை ரூ. 1,400 கோடி என்கிறார்கள். படம் கொஞ்சம் நீளமே. ஆனால், ஆச்சரியத்துடனும் அதிர்ச்சியுடனும் இரண்டரை மணி நேரமும் கழிகிறது!

படம் பார்க்கச் சென்ற நேயர்கள் தமது செல்பேசிகளையும், உடமைகளையும் மெய்மறந்து நழுவவிட்டு, படம்முடிந்ததும் தியட்டர்களினுள் நின்று தேடிய சம்பவமும் இடம்பெற்றுள்ளது.

தேவையான பொருட்கள்:

வேக வைத்து மசித்த உருளைக்கிழங்கு – 1/4 கப்
பால் பவுடர் – 1 கப்
மைதாமாவு – 3/4 கப்
பால் – சிறிதளாவு
எண்ணெய் – பொரிக்க
புட் கலர் – 1 சிட்டிகை
நெய் – 1 1/2 டீஸ்பூன்

சர்க்கரை பாகு செய்ய

சர்க்கரை – 1 கப்
தண்ணீர் – 1 கப்
ஏலக்காய்த்தூள் – 1/4 டீஸ்பூன்

செய்முறை :

*3/4 கப் பால் பவுடர்+ 1/4 கப் மைதா+மசித்த உருளைக்கிழங்கு சேர்த்து மிருதுவாக கெட்டியாக பிசையவும்.தேவைப்பட்டால் மட்டும் சிறிது பால் தெளித்து பிசையவும்.இந்த கலவை வெள்ளைக்கலரில் இருக்கனும்.

*மீதமிருக்கும் பால் பவுடர்+மைதா+கலர் சேர்த்து பால் கலந்து கெட்டியாக மிருதுவாக பிசையவும்.

*வெள்ளைக் கலரில் இருக்கும் மாவை பெரிய உருண்டைகளாக உருட்டி,அதனுள் கலர் உருண்டையை பட்டாணி அளவு எடுத்து ஸ்டப் செய்யவும்.

*இப்படியாக உருண்டைகளை உருட்டி எண்ணெயில் பொன்னிறமாக பொரிக்கவும்.

*திரும்பவும் ஒருமுறை உருண்டைகளை எண்ணெயில் பொரிக்கவும்.அப்பொழுது கறுப்பு கலரில் இருக்கும்.

*சர்க்கரை நீர் விட்டு காய்ச்சி பிசுப்பு பதம் வந்ததும் ஏலக்காய்த்தூள்+நெய்++பொரித்த் உருண்டைகள் சேர்க்கவும்.

*3 அல்லது 4 மணிநேரம் கழித்து பரிமாறலாம். //

தேவையானவை :
புளி – ஒரு எலுமிச்சை அளவு
தக்காளி – 3 நடுத்தர அளவு
வெங்காயம் – பெரியது 1 / சின்னது 10
குழம்பு மசாலா – 3 டீஸ்பூன்
பச்சை மிளகாய் – 3/4
கத்தரிக்காய் – 2/3
தேங்காய் – 3 பத்தை
கடுகு – கொஞ்சம்
கறிவேப்பிலை – கொஞ்சம்
உப்பு – கொஞ்சம்

செய்முறை :
1. முதலில் ஒரு பாத்திரத்தில் கொஞ்சம் தண்ணீர் ஊற்றி புளியை ஊற வைத்துக் கொள்ளவும்

2. தக்காளி, வெங்காயம், மிளகாய், கத்தரிக்காய்களை நறுக்கிக் கொள்ளவும்

3. தேங்காயை மிக்ஸியில் மிருதுவாக அரைத்துக் கொள்ளவும்

4. வாணலியில் எண்ணெய் ஊற்றி கடுகு, கறிவேப்பிலையுடன் நறுக்கிய வெங்காயம், கத்தரிக்காய், மிளகாய் போட்டு வதக்கிக் கொள்ளவும்

5. தக்காளியையும் சேர்த்து வதக்கிக் கொள்ளவும்

6. புளியை நன்றாக நீரில் கரைத்து அந்தத் தண்ணீரை வதக்கிய கலவையுடன் சேர்க்கவும்.

7. குழம்பு மசாலாவை இந்தக் கலவையுடன் சேர்த்து கொஞ்சம் தண்ணீரும் சேர்த்துக் கொள்ளவும்.

8. அப்புறம் அரைத்த தேங்காயை குழம்புடன் சேர்த்து கொதிக்க விடவும். உப்பையும் சேர்த்துக் கொள்ளுங்கள்.

அவ்வளவுதான் புளிக்குழம்பு தயார். சோறு, இட்லி, தோசைக்கு நன்றாக இருக்கும்.

குறிப்பு :
இதே போல கத்தரிக்காய்க்குப் பதில் வெண்டைக்காயையும் சேர்த்துப் புளிக்குழம்பு வைக்கலாம்.

குழம்பு மசாலாவுக்கு கடையில் கிடைக்கும் சக்தி அல்லது ஆச்சி குழம்பு மசாலா பயன்படுத்தலாம். வேலை எளிது.

Microsoftன் Bing பக்கத்தில் கனடாவின் முதல் போக்குவரத்து நெரிசல்களை  இதுவரை  பார்த்துவந்தோம். இனி Google Mapபிலும் இந்த சேவையை பார்வையிடலாம்.

அத்துடன், Live Trafficஐ மாற்றம் செய்து, கடந்த 7 நாட்களில் – ஏதாவது நாளிலும்,நேரங்களிலும் எவ்வாறு Traffic இருந்தது என்றும் பார்க்கும் வசதியும் உள்ளது.

உதாரணத்திற்கு: கடந்த  வெள்ளிக்கிழமை  மாலை 7மணிக்கு  குறிப்பிடப்பட்ட இடத்தில் எவ்வாறு  Traffic இருந்தது என்றும் பார்வையிடலாம் என்பது இதன் சிறப்பு.

இதன்மூலம் எந்த நேரத்தில், எந்த இடத்தில் பொதுவாக போக்குவரத்து  நெரிசல்  என்று  கணித்து, அவ்வாறான இடத்தையும்,  நேரத்தையும் பயணத்தின் போது தவிர்க்கலாம்.

Computer, BlackBerry, IPhone மற்றும் இணைய வசதியுள்ள தொலைபேசிகள் போன்றவற்றிலும் இனி இச்சேவையை உபயோகித்து, நாம் பயணம் செல்லும் போது தேவையான மாற்று பாதையை ஒருங்கமைக்கலாம். இதனால் தேவையில்லாத  பயண இடர்களை  முன்கூட்டியே அறிந்து கொள்ள முடியும்.

Live Trafficஐ பார்வையிட இங்கு கிளிக்பண்ணவும்

இதுசம்பந்தமான முன்னர் இட்ட பதிவுகள்:

சாலை நிலவரம் உங்கள் வீட்டில் இருந்தே பார்க்கலாம்

அடுத்த பக்கம் »