மே 2010


திருமதி ஆறுமுகவேல் ஆதிலட்சுமி
மலர்வு : 19 மே 1933 — உதிர்வு : 24 மே 2010

வல்வெட்டித்துறையை பிறப்பிடமாகவும், இந்தியாவை வதிவிடமாகவும் கொண்ட ஆறுமுகவேல் ஆதிலட்சுமி அவர்கள் 24.05.2010 திங்கட்கிழமை அன்று காலமானார்.

அன்னார், காலஞ்சென்ற செல்லத்துரை, வள்ளிஅம்மாள் தம்பதிகளின் அன்பு மகளும்,

காலஞ்சென்ற ஆறுமுகவேலின் அன்பு மனைவியும்,

காலஞ்சென்றவர்களான கருணாந்தசாமி, பிதாம்பரம், சிவகாந்தன், மற்றும் ஆறுமுகசாமி, றிங்கம்மான்(இந்தியா) அவர்களின் அன்பு சகோதரியும்,

வசந்தன்(இலண்டன்) அவர்களின் அன்புத் தாயாரும்,

ராஜேந்திராதேவி(இந்தியா) அவர்களின் அன்பு மாமியாரும்,

மிசுஷணா அவர்களின் அன்பு பேத்தியும் ஆவார்.

அன்னாரின் இறுதிக்கிரியைகள் இல்லத்தில் நடைபெறும்.

இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம்.
 
தகவல்
குடும்பத்தினர்
தொடர்புகளுக்கு
வசந்தன்(மகன்) — பிரித்தானியா
செல்லிடப்பேசி: +447506236553
ராஜேந்திராதேவி(மருமகள்) — இந்தியா
செல்லிடப்பேசி: +914312351368
 

Advertisements

அமெரிக்கப் பள்ளி ஒன்றில், மூன்றாம் வகுப்பு மாணவர்களிடம், அவர்கள் புரிந்து கொண்ட கடவுளைப் பற்றி எழுதச் சொன்னார்கள். எட்டு வயதான டேனி டட்டன் என்ற குழந்தை என்ன எழுதியது தெரியுமா? “கடவுளின் முக்கியமான வேலைகளில் ஒன்று, மனிதர்களைப் படைப்பது.

கடவுள் பெரியவர்களைப் படைப்பதில்லை. குழந்தைகளைத் தான் படைக்கிறார்.

சின்னச் சின்ன அங்கங்களை உருவாக்குவது அவருக்கு எளிதாக இருக்குமில்லையா? அதற்காக!

ஆனால் குழந்தைகளுக்கு நடக்கவும் பேசவும் கற்றுத்தர கடவுளுக்கு நேரமில்லை. அதனால் அம்மா அப்பாவிடம் குழந்தைகளை விட்டுவிட்டார்.

ஏசு, கடவுளின் குழந்தை. அவரும் குழந்தைக் கடவுள். அவருக்கு அண்ணா கடவுளோ தம்பிக் கடவுளோ இல்லை. தனியாகவே இருக்கிறார்.

அம்மா அப்பாவால் நம்முடன் எல்லா இடங்களுக்கும் வரமுடியாது. ஆனால், கடவுளால் நம் கூடவே வரமுடியும். அதனால், யாராவது கடவுளை நம்பாவிட்டால் அவர்கள் எல்லா இடங்களுக்கும் தனியாகவே போக வேண்டியது தான்!

கடவுள் எப்போதும் நம் பிரார்த்தனைகளைக் கேட்டாக வேண்டும். அதனால் அவர் ரேடியோ கேட்கவோ, டீ.வி. பார்க்கவோ நேரமில்லை.

மேலே படித்தது அந்த வாண்டுவின் வார்த்தைகள்! உண்மையில் ஒரு விடயம், இது கடவுளுக்கே புரியாத புதிர்! அதாவது,

மனிதர்களைப் பற்றி கடவுளுக்கே புரியாத விஷயங்கள் இரண்டு. இது கடவுளுடனான ஒரு கற்பனைப் பேட்டியில் வெளிவந்தது.
குழந்தைகளாக இருக்கும்போது பெரியவர்களாக வேண்டும் என்று அவசரப் படுகிறார்கள். பெரியவர்களான பிறகு, குழந்தைகளாகவே இருந்திருக்கலாம் என்று கருதுகிறார்கள்.

உடல் நலன் பற்றிக் கவலையே இல்லாமல், பணம் சம்பாதிக்க அலைகிறார்கள். பணம் சம்பாதித்த பிறகு அதனை உடல் நலனுக்காக செலவிடுகிறார்கள்

‘இருப்பவன் இரும்பை தின்பான்’ சித்த மருத்துவ பழமொழி.

உயிரோடு இருந்து ஆரோக்கியமுடன் வாழ விரும்புகின்றவர்கள் இரும்பை அதாவது, இரும்புச் சத்தினை நாடுவார்கள் என்பதே இதன் கருத்து.

உடலின் அடிப்படையான ஆரோக்கியத்திற்கு இரும்புச் சத்து தேவையாக இருக்கிறது..

ஏனெனில் குருதியில் நம் உயிருக்கு ஆதாரமாகிய பிராண வாயுவை ஏற்றிச் செல்லும் வேலை ரத்த சிவப்பணுக்களுக்கு உரியது. இந்த சிவப்பு அணுக்களின் (RBC) ஜீவனாக விளங்குவது ‘ஹுமோகுளோபின்’ என்ற இரும்புச் சத்து அடங்கிய சேர்மானமாகும். எனவேதான் உடலின் அடிப்படையான ஆரோக்கியத்திற்கு இரும்புச் சத்து தேவையாக இருக்கிறது.

இந்த சத்துக் குறைந்து போனால் முகம், உடல் வெளுத்து, ஜீவகளை குன்றி, சோம்பல், மூட்டு வலி, உடல்வலி, படபடப்பு, மூச்சு வாங்குதல், தலைசுற்றல் என்பன போன்ற பல அறிகுறிகள் தோன்றி நம்மை பாடுபடுத்தக்கூடும். Anaemic Pallor என்று ஆங்கிலத்தில் குறிப்பிடப்படும் இந்த நிலையை வெளுப்பு நோய் என்பர் நம் முன்னோர்.

சராசரியாக பத்தில் ஆறு பேருக்கு இந்த வெளுப்பு நோய் உள்ளதாக ஆய்வுகள் கூறுகின்றன. குறிப்பாக பெண்களுக்கு உண்டாகும் மாதவிடாயினால் இது பெண்களிடையே அதிய அளவில் ஏற்படுகின்றது. இதற்காக டானிக்குகளையும், மாத்திரைகளையும் வாங்கி விழுங்குவதைவிட உணவு முறை மாற்றம் செய்து கொள்வது நிரந்தர தீர்வை தரும்.

1. இரும்புச் சத்தானது பெரும்பான்மை பழங்களிலும், கீரைகளிலும் அசைவ உணவு வகைகளிலும் அடங்கியுள்ளது. அதுமட்டுமின்றி இரும்புச் சத்து உடலில் கிரகிக்கப்பட வைட்டமின் B12, Folic acid போன்ற சத்துக்கள் தேவைபடுகின்றன. எனவே, இவைகளும் கிட்டும் வகையில் உணவை அமைத்துக் கொள்ளவேண்டும்.

2. அரிசி கோதுமை வகைகளை நன்கு பாலிஷ் செய்து உண்பதை தவிர்த்தல் வேண்டும். இதனால் அரசியில் மீதியிருக்கும் சத்து கிடைக்காமல் போகும். இதற்கு பதிலாக அடிக்கடி கைக்குத்தல் அரிசி, அவல் ஆகியவற்றை கஞ்சி, பாயாசம் போல செய்து பருகலாம். இதனால் இதன் இரும்பு மற்றும் வைட்டமின் சத்து கிடைக்கும். கோதுமை, கேழ்வரகு, கார் அரிசி ஆகியவையும் இதில் சிறந்தன.

3. வாரம் 3 நாட்கள் கண்டிப்பாக கீரைகள் சேர்த்துக் கொள்வது நல்லது. குறிப்பாக முருங்கைக் கீரை, பசளை, வெந்தய கீரைகளில் இரும்புச் சத்து அதிகம். இவைகளை பகலுணவில் கைப்பிடி அளவு சாதத்துடன் பிசைந்து சாப்பிடலாம். மேலும் இவற்றின் நார்ச்சத்தினால் மலம் சிக்கலின்றி கழியும்.

4. கருவேப்பிலை, கொத்துமல்லி ஆகியவற்றிலும் இரும்பு சத்து அதிக அளவில் அடங்கியுள்ளது. எனவே, இவற்றை துவையலாக அரைத்தும், மோரில் கலந்தும் பருகலாம். இதனால் நல்ல செரிமானம் கிட்டும்.

5. மாதத்தில் 2 நாட்களாவது காயகல்ப கீரைகளாகிய பொன்னாங்கண்ணி, கரிசலாங்கண்ணி, வல்லாரை ஆகியவற்றை உணவில் ஏதாவது ஒரு வடிவத்தில் சேர்த்து கொள்ள வேண்டும். (அ) இந்தக் கீரைகளை மண்தொட்டிகளில் வளர்த்து தினமும் 1-2 இலையை காலை வெறும் வயிற்றில் உண்டுவரலாம்.

6. பழவகைகளில் மாதுளை, திராட்சை, சப்போட்டா, பப்பாளி, வாழைப்பழம், ஆப்பிள், விளாம்பழம் ஆகியவற்றில் இரும்புச் சத்தும், பல்வேறு வைட்டமின்களும் உள்ளன. எனவே, மாலை நேரங்களில் ஏதேனும் ஒரு பழத்தை உண்ணலாம். பழங்களை தேனுடன் சேர்த்து சாப்பிடுவது நல்லது.

7. உலர்ந்த பழவகைகளான சீமை அத்திப்பழம், பேரீச்சம்பழம், உலர்ந்த திராட்சை, கர்ஜுர்க்காய் ஆகியவற்றிலும், உலர்ந்த கொட்டைகளாகிய முந்திரி, பாதாம், அக்ரோட்டு ஆகியவற்றில் இரும்புச் சத்துடன் பாஸ்பரஸ், கால்சியம் போன்ற அத்தியாவசிய ஊட்டச்சத்துக்கள் உள்ளன. இவைகளை இரவு தூங்கச் செல்லும் முன் உண்ணலாம்.

8. அசைவ உணவுகளில் இரும்புச் சத்து அதிகமாக அடங்கியுள்ளது. குறிப்பாக ஆட்டு ஈரல், எலும்பு மஜ்ஜை மிகவும் சிறந்தன. வெள்ளாட்டின் நெஞ்செலும்பை ‘சூப்’ போல செய்து பருகினால் நோயினால் மெலிந்த உடலும் கூட தேறிவிடும். தவிர ஆட்டுக்கால், மாமிசம், மீன் ஆகியவற்றை அவரவர் தேக நிலை, வயது, காலத்திற்கேற்ப உண்டு வர ‘சோகை நோய்’ ஏற்படாது. ஆங்கிலத்தில் சொல்வது போல எப்போதும் ‘in the pink of health’இல் இருக்கலாம்..

Dr. ருக்மணி வேங்கடேசன்

மாங்கனி  என்றவுடன்  இனிப்பாக இருக்குமென்று நினைக்க வேண்டாம். காரமும், புளிப்பும்  சேர்ந்து அருமையாக இருக்கும். காண்டிப்பாக அனைவரும் செய்து பார்க்க வேண்டிய ஒரு கார குழம்பு.

தேவையான பொருட்கள்:
=========================
பழுத்த மாம்பழம் – ஒன்று
புளி – எலுமிச்சை அளவு
சின்ன வெங்காயம் – அரை கப்
பச்சை மிளகாய் – பன்னிரண்டு
மிளகாய் தூள் – இரண்டு  டீஸ்பூன்
தக்காளி – நான்கு
மஞ்சள் தூள் – கால் டீஸ்பூன்
உப்பு – தேவையான அளவு
பொடியாக நறுக்கிய கறிவேப்பிலை – கால் கப்
கடுகு – கால் டீஸ்பூன்
வெந்தயம் – அரை டீஸ்பூன்
எண்ணெய் – கால் கப்

எண்ணையில்லாமல் வறுத்து பொடிக்க:
=====================================
வெந்தயம் – கால் டீஸ்பூன்
சீரகம் – அரை டீஸ்பூன்
அரிசி – ஒரு டீஸ்பூன்
கடலை பருப்பு – ஒரு டீஸ்பூன்

செய்முறை:
============
* வெங்காயத்தை தோலுரித்து இரண்டாக நறுக்கவும்.

* வறுத்து பொடிக்க வேண்டியத்தை பொடித்து வைத்து கொள்ளவும்.

* பச்சை மிளகாயை பொடியாக நறுக்கி கொள்ளவும்.

* மாம்பழத்தை தோலுடன் பெரிது பெரிதாக நறுக்கவும்.

* புளியை இரண்டரை கப் சுடு நீரில் கரைத்து கொள்ளவும்.

* தக்காளியை நீர் விடாமல் ஒன்றும் பாதியுமாக அரைத்து அதில் சிறிது உப்பு மஞ்சள் தூள், மிளகாய் தூள் சேர்த்து கலந்து புளி நீரில் சேர்த்து கலக்கவும்.

* எண்ணையை காயவைத்து கடுகு, வெந்தயம், கறிவேப்பிலை தாளித்து வெங்காயம், பச்சை மிளகாய் சேர்த்து வெங்காயம் சிவக்கும் வரை வதக்கவும்.

* புளி கரைசலை சேர்த்து ஒரு கொதி வந்ததும் மாம்பழ துண்டுகள் சேர்த்து உப்பு சரி பார்த்து தணலை நடுத்தரமாக வைக்கவும்.

* எல்லாம் ஒன்று சேர்ந்து கொதித்து எண்ணெய் கக்கியதும் பொடித்த பொடி தூவி ஒரு நிமிடம் கிளறி இறக்கவும்.

கனடாவில் வசிக்கும் செல்வி நிவேதா பார்த்திபனுக்கு இனிய பிறந்ததின வாழ்த்துக்கள்!

சாப்பிட்ட பின்பு நான் குடிக்கும் தண்ணீர் பத்தாது என்று நம்மாளு ஒரே நச்சரிப்பு…!

தினமும் ஆறு கிளாஸ் தண்ணீர் குடிக்கவேண்டும் என வைத்தியர்கள் அறிவுறுத்தல்.

நல்ல போஷாக்கான சாப்பாடு நேரத்திற்கு நேரம் உண்டு, நிறைய நீரையும் பருகினால் தான் அதிக காலம் உயிர்வாழ முடியும் என்னும் நிலையில் இந்த 82 வயது முதியவர் 70 வருடங்களாக நீரும், உணவும் இன்றி வாழ்ந்து வருகின்றார்…!

நீங்களே பாருங்கள்.

இலங்கைத் தமிழ் மூதாட்டி ஒருவர் தன் உறவுகளை விசுவின் அரட்டை அரங்கம் வாயிலாக தேடுகின்றார். அந்த வீடியோ கீழே. இதைப் பார்ப்பவர்கள் யாராவது அவருக்கு உதவலாம் என்னும் நம்பிக்கையில் இந்த பதிவு.