நவம்பர் 17 கிரிகோரியன் ஆண்டின் 321வது நாளாகும். ஆண்டு முடிவிற்கு மேலும் 44 நாட்கள் உள்ளன.

  • 1558 – இங்கிலாந்தின் முதலாம் மேரி இறக்க அவரது ஒன்றுவிட்ட சகோதரி முதலாம் எலிசபெத் அரசியானார்.
  • 1820 – கப்டன் நத்தானியல் பால்மர் அண்டார்ட்டிக்காவை அடைந்த முதலாவது அமெரிக்கர் ஆனார். பால்மர் குடாநாடுக்கு இவரது நினைவாகப் பெயர் சூட்டப்பட்டது.
  •  1831 – எக்குவாடோர் மற்றும் வெனிசுவேலா ஆகியன பாரிய கொலம்பியாவில் இருந்து பிரிந்தன.
  •  1869 – எகிப்தில் சூயஸ் கால்வாய் திறக்கப்பட்டது.
  • 1918 – யாழ்ப்பாணத்தில் சூறாவளி மற்றும் வெள்ளம் காரணமாக பலத்த சேதம் ஏற்பட்டது. நூற்றுக்கணக்கானோர் வீடுகளை இழந்தனர். நிவாரண நிதியம் அமைக்கப்பட்டது.
  • 1970 – சோவியத்தின் லூனாக்கொட் 1 சந்திரனில் தரையிறங்கியது. தொலைவில் இருந்து இயக்கக்கூடிய ரோபோ ஒன்று வேறோர் உலகத்துக்கு அனுப்பப்பட்டது இதுவே முதற் தடவை ஆகும்.
  • 1970 – டக்லஸ் ஏங்கெல்பேர்ட் முதலாவது கணினி mouse க்கான காப்புரிமம் பெற்றார்.
  • 2003 – ஆர்னோல்ட் ஸ்வார்செனேகர் கலிபோர்னியாவின் ஆளுநரானார்.

பிறப்புக்கள்

  •  1904 – இசாமு நொகுச்சி சிற்பக் கலைஞரும், கட்டடக் கலைஞரும் (இ. 1988)
  •  1909 – சி. இலக்குவனார், தமிழறிஞர் (இ. 1973)
  •  1920 – ஜெமினி கணேசன் தமிழ்த் திரைப்பட நடிகர் (இ. 2005)
  •  1927 – கமில் சுவெலபில், செக் நாட்டுத் தமிழறிஞர் (இ. 2009)

இறப்புகள்

  •  1558 – இங்கிலாந்தின் அரசி முதலாம் மேரி (பி. 1516)

சிறப்பு நாள்

  •  அனைத்துலக மாணவர் நாள்