ஞாயிறு, ஜனவரி 1st, 2012


முன்கணிக்கப்பட்ட மற்றும் திட்டமிடப்பட்ட நிகழ்வுகள்

ஜனவரி

  • ஜனவரி 13-22 – ஆஸ்திரியாவின் இன்ஸ்பிரக்கில் 2012 குளிர்கால இளைஞர் ஒலிம்பிக் போட்டிகள் நடைபெற இருக்கிறது.
  • ஜனவரி 31 – பூமிக்கு அருகிலான பொருட்களில் இரண்டாவது மிகப் பெரியதாக (அளவு 13x13x33 கிமீ) அறியப்படும் 433 ஈரோஸ் பூமியை 0.1790 வானியல் அலகுகள் (26,778,019 கிமீ; 16,639,090 மைல்)-இல் கடக்க இருக்கிறது. ஈரோசினை தான் 1996-02-17 இல் அனுப்பிய NEAR ஷூமேக்கர் ஆய்வு மூலம் நாசா ஆய்வு செய்தது

பெப்ரவரி

  • பெப்ரவரி 5 – இன்டியானாபோலிசில் உள்ள லூகாஸ் ஆயில் ஸ்டேடியத்தில் சூப்பர் பவுல் XLVI விளையாட்டு நடைபெற இருக்கிறது.
  • பெப்ரவரி 6 – இரண்டாம் எலிசபெத் இங்கிலாந்து, கனடா, ஆஸ்திரேலியா & நியூசிலாந்தின் அரியணையேறிய 60 வது ஆண்டு நிறைவை (அதேபோல் பொதுநலவாய நாடுகளின் தலைவராக அவர் ஆனதின் 60வது ஆண்டு நிறைவையும்)குறிக்கும் விதமாக, அவருக்கு வைர விழா கொண்டாட்டம், அவர் உயிருடன் இருந்து பேரரசியாகவும் தொடர்ந்து கொண்டிருக்கும் பட்சத்தில்.

மார்ச்

  • மார்ச் 22 – நடப்பு பதிப்புரிமை சட்டத்தை நீட்டிக்க ஐரோப்பிய கவுன்சில் வாக்களிக்காத பட்சத்தில், தி பீட்டில்ஸ் குழுவினரின் அறிமுக ஆல்பமான, “ப்ளீஸ் ப்ளீஸ் மீ” பதிப்புரிமை இழந்து விடும்.

ஏப்ரல்

  • ஏப்ரல் 17 – அமெரிக்கா கொரியக் குடியரசின் ராணுவத்தில் இருந்து போர்க்கால கட்டுப்பாட்டை 50 ஆண்டுகளுக்கு பிறகு குறைத்துக் கொள்வதோடு கூட்டுப் படைகளின் தலைமையையும் கலைத்து விடும். கூட்டுப் படைகள் தலைமையின் கீழ் ஒருமைப்பட்ட உத்தரவின் கீழ் செயல்படுவதற்கு பதிலாக, இரண்டு தனித்தனியான ராணுவ தலைமைகள் (தென் கொரியா மற்றும் அமெரிக்கா) போர்க்காலத்தில் கொரியாவில் செயல்படும்.

மே

  • மே 20 – வளை வடிவ சூரிய கிரகணம், ஒரு ஞாயிற்றுக் கிழமை. வளையத்தின் பாதை வடக்கு சீனாவில் இருந்து கலிபோர்னியா வரை பசிபிக் பெருங்கடல் வழியே செல்கிறது.

ஜூன்

  • ஜூன் 6 – நூற்றாண்டில் இரண்டாவது முறையாகவும் கடைசி முறையாகவும் வீனஸ் சூரியனை கடந்து செல்வது நிகழும். அடுத்து இதே போல் நடப்பது 2117 ஆம் ஆண்டிலும் அதனையடுத்து 2125 ஆம் ஆண்டிலும் தான் நிகழும் என்று கணக்கிடப்பட்டுள்ளது.
  • ஜூன் 9 – ஜூலை 1 – UEFA யூரோ 2012 போலந்து மற்றும் உக்ரைனில் நடைபெற இருக்கின்றன.
  • ஜூன் 18 – ஜூன் 23 – கணித மேதையாகவும், கணினி விஞ்ஞானியாகவும், ரகசியகுறியீட்டு அறிஞராகவும் திகழ்ந்த ஆலன் டூரிங்கிற்கு மரியாதை செய்யும் விதமாக, டூரிங் நூற்றாண்டு மாநாடு கேம்பிரிட்ஜ் பல்கலைக்கழகத்தில் நடைபெறும், மாநாட்டின் இறுதி நாளில் அவர் பிறந்த நூறாவது ஆண்டு பிறக்கும். http://cs.swan.ac.uk/cie12

ஜூலை

  • ஜூலை 18-21 – பல்கேரியாவின் ப்ளோவ்டிவ்வில் 2012 உலக படகுப்போட்டி சாம்பியன்சிப் போட்டிகள் நடைபெறும்.
  • ஜூலை 27 – 2012 ஆம் ஆண்டின் கோடை ஒலிம்பிக்ஸ் துவக்க விழா லண்டனில் UTC நேரப்படி மாலை 7:30 க்கும், BST நேரப்படி மாலை 8:30 க்கும் துவங்கும்.[4]

ஆகஸ்டு

  • ஆகஸ்டு12 – லண்டனில் 2012 கோடை ஒலிம்பிக்ஸ் நிறைவு விழா, ஞாயிற்றுக் கிழமை.
  • ஆகஸ்டு 29 – 2012 கோடை பாராலிம்பிக்ஸ் துவக்கம்.

நவம்பர்

  • நவம்பர் 6 – அமெரிக்க அரசுத்தலைவர், செனட், மற்றும் பிரதிநிதிகள் சபை தேர்தல்.
  • நவம்பர் 13 – மொத்த சூரிய கிரகணம் (வடக்கு ஆஸ்திரேலியா மற்றும் தெற்கு பசிபிக்கில் காணத்தக்கதாய் இருக்கும்).
  • நவம்பர் 28 – அரைநிழல் வட்ட சந்திர கிரகணம்.

டிசம்பர்

  • டிசம்பர் 21 – 11:11 UTC. வட கோளத்தில் குளிர்கால சங்கிராந்தி, தென் கோளத்தில் கோடைகால சங்கிராந்தி.
  • டிசம்பர் 21 – கொலம்பியன் காலத்திற்கு முந்தைய மற்ற நாகரிகங்களால், குறிப்பாக மாயா நாகரிகத்தால் குறிப்பிடத்தக்க வகையில் பயன்படுத்தப்பட்டதான மீசோஅமெரிக்கன் நீண்ட கணிப்பு நாள்காட்டி, நாள்காட்டியின் நடப்பு சகாப்தம் உருவாக்கப்பட்ட புராணரீதியான உருவாக்க தேதியில் இருந்து பதின்மூன்று ப’க்’தூன்களின் (ஒவ்வொன்றும் 144,000 நாட்கள் காலம்) ஒரு “பெரும் சுழற்சி”யை நிறைவு செய்கிறது. இந்த நாளில் உருவாக்கத்தின் போது நவீன வடிவங்களின் படி 13.0.0.0.0 என எழுதப்பட்டு, புரோலெப்டிக் கிரிகோரியன் காலண்டரில் ஆகஸ்ட் 11, கிமு 3114 ஐக் குறிப்பதான லாங் கவுண்ட் தேதி சுமார் 5,125 சூரிய வருடங்களுக்குப் பிறகு முதல் முறையாக திரும்ப வருகிறது. சுழற்சியின் நிறைவும் முந்தைய உருவாக்கத்தின் லாங் கவுண்ட் தேதி முடிவுறுவது திரும்ப நிகழ்வதும் 2012 ஆம் ஆண்டு நிகழ்வின் மையமானதாகும். பழைய மாயா நாகரீகத்தினரே கூட இந்த புள்ளிக்கு இத்தகைய முக்கியத்துவத்தை காலத்தே அளித்திருந்தார்களா என்பதை கல்வி ஆராய்ச்சியாளர்கள் கூட தீர்மானிக்க முடியாததாக இருக்கிறது. டிசம்பர் 23 – லாங் கவுன்ட் காலண்டரில் பதின்மூன்றாவது பக்தூன் நிறைவடையும் ஒரு மாற்று தேதி, ஜிஎம்டி இணையுறவு அடிப்படையிலான மற்றொரு கருத்தின் அடிப்படையில் கணக்கிடப்படும் இத்தேதியை சில மாயா நாகரிக ஆராய்ச்சியாளர்கள் ஆதரிக்கிறார்கள்.  டிசம்பர் 31 – கியோட்டோ நடபடி காலாவதியாகும்.

தேதிகள் அறியப்படாதவை

  • அயர்லாந்து அனலாக் தொலைக்காட்சி ஒளிபரப்புகளை நிறுத்துகிறது.
  • சீனா குவாபு விண்வெளி ஓடத்தை செலுத்தும்.
  • நாசாவின் ஏம்ஸ் ஆய்வு மையத்திற்கென இன்டெல் மற்றும் SGI தயாரிக்க உத்தேசித்துள்ள சூப்பர் கம்ப்யூட்டர் பிளீயட்ஸ் (Pleiades) நிறைவு பெறும், இது உச்ச செயல்பாடாக 10 பெடாஃபிளாப்களை (Petaflops) (ஒரு விநாடிக்கு 10 குவாட்ரில்லியன் மிதவைப் புள்ளி செயல்பாடுகள்) கொண்டிருக்கும்.
  • தேசிய அணுசக்தி பாதுகாப்பு நிர்வாகத்திற்கென ஐபிஎம் நிர்மாணித்து தர உத்தேசித்துள்ள சூப்பர் கம்ப்யூட்டரான செகோயா (Sequoia) நிர்மாணப் பணி நிறைவு பெறும், இது உச்ச செயல்பாட்டில் 20 பெடாஃபிளாப்களை எட்டும்.
  • நோவோவோரோநீழ் அணுசக்தி ஆலை II இன் முதலாவது யூனிட்டில் வர்த்தக ரீதியான செயல்பாடு துவங்கும்.
  • வாஷிங்டன் மாநிலத்தில் எல்வா நதியில் இருந்து 108 அடி (33 மீ)எல்வா அணை மற்றும் 210 அடி (64 மீ) க்லைன்ஸ் கேன்யன் அணை அகற்றப்படும், வரலாற்றில் மிகப்பெரிய அணை அகற்ற திட்டப்பணியை இது குறிக்கும்.
  • ராயல் ஆஸ்திரேலியன் நேவியால் செயல்படுத்தப்பட்டவற்றில் மிகப் பெரிய கப்பல்களாக கான்பெரா கிளாஸ் லைட் வானூர்தி சேவைகள்/மிகப் பெரிய மிதக்கும்-பறக்கும் கப்பல்கள் தமது சேவையைத் துவங்கும்.
  • சூரியனில் 11 ஆண்டு சூரியகள சுற்றில் (sunspot cycle) சூரிய சுற்று 24 இன் சூரிய அதிகப்பட்சம் நிகழும் என்று எதிர்பார்க்கப்படுகிறது. சூரிய சுற்று 24 ஜனவரி 2008 இல் துவங்கியதாகக் கருதப்படுகிறது, சராசரியாக இது 2012 வாக்கில் தனது அதிகப்பட்ச சூரியகள உச்சத்தை எட்டும். அடுத்தடுத்த சூரிய அதிகப்பட்சங்களுக்கு இடையிலான காலம் சராசரியாக 11 ஆண்டுகள் (ஸ்க்வாப் சுற்று), முந்தைய சூரிய அதிகப்பட்சமான சூரிய சுற்று 23 2000-2002 இல் நிகழ்ந்தது. சூரிய அதிகப்பட்சத்தின் போது சூரியனின் காந்த துருவங்கள் தலைகீழாகும்.
  • பிராந்தியம்-பிராந்தியமாக அனலாக் தொலைக்காட்சி ஒளிபரப்புகளை நிறுத்துவதான இங்கிலாந்தின் 5-ஆண்டு கால நிகழ்முறை நிறைவுக்கு வரும
  • போர்த்துக்கல், டிஜிட்டல் வகை ஊடகங்கள் வழி இணையாக ஒளிபரப்பிய 4 ஆண்டுகள் முடிந்த நிலையில், தமது அனலாக் தொலைக்காட்சி ஒளிபரப்புகளை நிறுத்தி விடும். அதன் பிறகு, டிவிபி ஒளிபரப்புகள் மட்டுமே தொலைக்காட்சியில் பயன்படுத்தப்படும் ஒரே முறையாக இருக்கும்

நேயர்கள் அனைவருக்கும் இனிய புத்தாண்டு வாழ்த்துக்கள்!

ஜனவரி 1 கிரிகோரியன் ஆண்டின் முதலாவது நாளாகும். ஆண்டு முடிவிற்கு மேலும் 364  நாட்கள் உள்ளன. இவ்வாண்டு பெப்ரவரி மாதம் 29 நாட்கள் கொண்ட நான்கு வருடத்திற்கு ஒருமுறை வரும் லீப் ஆண்டு ஆகும்.

கணித மேதையாகவும், கணினி உலகில் முன்னோடியாகவும், குறியீடு-மறைவிலக்குநராகவும் இருந்த ஆலன் டூரிங் பிறந்து நூறு ஆண்டுகள் நிறைவதை நினைவு கூரும் விதமாக, இவ்வாண்டு ஆலன் டூரிங் ஆண்டாக அறிவிக்கப்பட்டுள்ளது.   2012 ஆம் ஆண்டு குறித்து ஏராளமான நம்பிக்கைகள் உலவி வருகின்றன, இவை பொதுவாக அறிவியல் ஆதாரமற்றவையாக கருதப்படுகின்றன.

  • கிமு 45 – ஜூலியன் நாட்காட்டி அறிமுகப்படுத்தப்பட்டது.
  • 630 – முகமது நபி தனது படைகளுடன் மெக்கா நோக்கிப் பயணமானார்.
  •  1752 – கிரிகோரியன் நாட்காட்டியை பிரித்தானியா ஏற்றுக்கொண்டது.
  • 1772 – 90 ஐரோப்பிய நாடுகளில் பயன்படுத்தக்கூடியதான உலகின் முதலாவது பயணிகள் காசோலை லண்டனில் விற்பனைக்கு வந்தது.
  •  1801 – பெரிய பிரித்தானியா மற்றும் அயர்லாந்துப் பேரரசு இணைந்து ஐக்கிய இராச்சியம் ஆனது.
  •  1808 – ஐக்கிய அமெரிக்காவில் அடிமைகளை இறக்குமதி செய்வது தடை செய்யப்பட்டது. .
  • 1858 – இலங்கையில் முதலாவது தந்திச் சேவை கொழும்புக்கும் காலிக்கும் இடையில் ஆரம்பமானது.
  • 1866 – யாழ்ப்பாணத்தில் முதன் முதலாக காவற்துறை (Police Force) அமைக்கப்பட்டது.
  • 1867 – ஐக்கிய அமெரிக்காவில் ஒஹாயோவின் “சின்சினாட்டி” நகருக்கும் கென்டக்கியின் “கொவிங்டன்” நகருக்கும் இடையில் ஜோன் ஏ. ரோப்லிங் தொங்கு பாலம் திறக்கப்பட்டது. இதுவே உலகின் அதி நீளமான தொங்கு பாலமாகும்.
  • 1872 – இலங்கையில் ரூபாய், மற்றும் சதம் ஆகிய நாணயங்கள் அறிமுகப்படுத்தப்பட்டன.
  • 1872 – முதலாவது இந்திய அஞ்சல் (தபால்) சேனீ மலைச் (Mount Cenis) சுரங்கம் ஊடாக சென்றது.
  • 1877 – இந்தியாவின் மகாராணியாக விக்டோரியா டில்லியில் அறிவிக்கப்பட்டார்.
  • 1883 – இலங்கையின் தமிழர் தாயகம் வடக்கு, கிழக்கு என இரண்டு மாகாணங்களாகப் பிரிக்கப்பட்டது.
  • 1886 – பர்மா விக்டோரியா மகாராணிக்கு அவரது பிறந்தநாள் பரிசாக வழங்கப்பட்டது.
  •  1893 – ஜப்பானில் கிரெகோரியின் நாட்காட்டி அறிமுகப்படுத்தப்பட்டது.
  • 1896 – இலங்கையில் முன்னர் ரொபேர்ட்சன் கம்பனியின் பொறுப்பில் இருந்த தொலைபேசி சாதனத்தை இலங்கை அரசு கையேற்றது.
  •  1901 – பிரித்தானியக் குடியேற்ற நாடுகளான நியூ சவுத் வேல்ஸ், குயின்ஸ்லாந்து, விக்டோரியா, தாஸ்மானியா, மேற்கு ஆஸ்திரேலியா ஆகியன ஆஸ்திரேலிய பொதுநலவாயம் என்ற ஒரே நாடாக இணைந்தன. அதன் முதலாவது பிரதமராக எட்மண்ட் பார்ட்டன் தெரிவு செய்யப்பட்டார்.  .
  • 1906 – பிரித்தானிய இந்தியாவில் இந்திய சீர்தர நேரம் அதிகாரபூர்வமாக ஏற்றுக்கொள்ளப்பட்டது.
  • 1911 – வட மண்டலம் தெற்கு ஆஸ்திரேலியாவிலிருந்து பிரிக்கப்பட்டு ஆஸ்திரேலிய நடுவண் அரசின் ஆட்சியின் கீழ்க் கொண்டுவரப்பட்டது.
  • 1912 – சீனக் குடியரசு அமைக்கப்பட்டது.  1919 – ஸ்கொட்லாந்தில் அயோலயர் என்ற கப்பல் (HMS Iolaire) மூழ்கியதில்
  • 205 பேர் கொல்லப்பட்டனர்.
  • 1926 – துருக்கி கிரிகோரியன் நாட்காட்டிக்கு மாறியது.
  •  1927 – துருக்கி கிரெகொரியின் நாட்காட்டியை அறிமுகப்படுத்தியது. இதன்படி 1926, டிசம்பர் 18இற்கு அடுத்த நாள் ஜனவரி 1, 1927ஆக மாற்றப்பட்டது.
  • 1948 – பிரித்தானிய தொடருந்து சேவைகள் நாட்டுடமை ஆக்கப்பட்டன.
  • 1948 – பிரிவினைக்குப் பின்னர் பாகிஸ்தானுக்கு வழங்குவதாக ஒப்புக்கொள்ளப்பட்ட 550 மில்லியன் ரூபாய் பணத்தை இந்தியா வழங்க முடியாதென அறிவித்தது.
  • 1949 – ஐநா அறிவுறுத்தலின் படி காஷ்மீரில் நள்ளிரவுக்கு ஒரு நிமிடத்துக்கு முன்னர் போர்நிறுத்தம் மேற்கொள்ளப்பட்டது. இதன்படி பாகிஸ்தானுடனான இந்தியப் போர் முடிவுக்கு வந்தது.
  • 1956 – சூடான் நாடு எகிப்து மற்றும் பிரித்தானியா ஆகியவற்றிடம் இருந்து விடுதலை பெற்றது.
  • 1958 – இலங்கையில் வாகன இலக்கத்தகடுகளில் சிங்கள மொழியில் ஸ்ரீ எழுத்து கட்டாயமாக்கப்பட்டது.
  • 1958 – ஐரோப்பிய சமுகம் அமைக்கப்பட்டது.
  •  1971 – ஐக்கிய அமெரிக்கத் தொலைக்காட்சிகளில் புகைத்தல் குறித்த விளம்பரங்கள் தடை செய்யப்பட்டன.
  • 1978 – ஏர் இந்தியா போயிங் 747 விமானம் வெடித்து பம்பாயில் கடலில் வீழ்ந்து மூழ்கியதில் 213 பேர் கொல்லப்பட்டனர். .
  • 1995 – உலக வணிக அமைப்பு உருவாக்கம்.
  • 1999 – யூரோ நாணயம் அறிமுகம்.
  • 2008 – கொழும்பில் ஐதேக நாடாளுமன்ற உறுப்பினர் தியாகராஜா மகேஸ்வரன் சுட்டுக் கொலை செய்யப்பட்டார்.

பிறப்புகள்

  • 1943 – செம்பியன் செல்வன், ஈழத்து எழுத்தாளர்
  •  1966 – மில்லர், முதல் கரும்புலி (இ. 1987)
  • 1978 – பரமஹம்ஸ நித்யானந்தர், இந்திய ஆன்மிகவாதி

இறப்புகள்

  • 1901 – சி. வை. தாமோதரம்பிள்ளை தமிழ்ப் பதிப்புத்துறையின் முன்னோடி (பி. 1832)
  • 2008 – தியாகராஜா மகேஸ்வரன், இலங்கைத் தமிழ் அரசியல்வாதி

சிறப்பு நாள்

  • விடுதலை நாள்: கியூபா (1899)
  • ஹெயிட்டி (1804)
  • சூடான் (1956)
  • கமரூன் (1960)
  • செக் குடியரசு (1993)
  • சிலோவாக்கியா (1993)
  • தாய்வான் (1912)