ஓகஸ்ட் 2012


 

சமீப காலமாக நூதன வழிகளில் திருடி வரும் நகைக் களவு கும்பல்களால் தமிழ் மக்கள் வெகுவாக பாதிக்கப்பட்டுள்ளதைத் தொடர்ந்து ரொறொன்ரோ நகர மற்றும் ஊரகப் பகுதிகளில் வசித்து வரும் தமிழ் சமுதாய மக்கள் மிகுந்த கவனத்துடன் இருக்கவேண்டும் என என்.டி.பி கட்சியின் பாராளுமன்ற உறுப்பினர் ராதிகா சிற்சபை ஈசன் எச்சரித்துள்ளார். 
 
இந்த விடயம் தொடர்பாக ராதிகா வெளியிட்டுள்ள செய்திக் குறிப்பில் மேலும் கூறப்பட்டுள்ளதாவது
  
உறவுகளால் கைவிடப்பட்டது போன்று தனியாக வரும் பெண் ஒருவர் சமுதாயத்தில் உள்ள மக்கள் பலரை சந்தித்து வியப்பூட்டும் வகையில் தங்கம் போன்றே தோற்றமளிக்கக் கூடிய கழுத்துமாலையை உங்களுக்கு அணிவிப்பார். பின்னர் தான் அணிவித்த நகையைக் கழற்றுவதாகக் கூறும் பெண்மணி ஏற்கனவே நீங்கள் ணிந்திருந்த தங்கச் சங்கிலியையும் சேர்த்து கொள்ளையடித்துச் சென்று விடுவார். பெரும்பான்மையான நேரங்களில் நூதனமான வழியில் நடத்தப்படும் இந்த களவு சம்பவத்தில் தங்கள நகைகளை பரிகொடுத்ததைக் கூட உடனடியாக மக்களால் உணர முடிவதில்லை. 
 
பெரும்பாலும் காரினை ஒட்டி வரும் ஆண்களிடம் இந்த கும்பலைச் சேர்ந்த பெண்கள் மயக்குவது போல் பேசி கொள்ளையடித்துச் செல்வது அதிகரித்துள்ளது. அதனால் தமிழ் சமுதாய மக்கள் அனைவரும் தங்களுக்கு அருகாமையில் நடக்கும் இது போன்ற களவுகள் குறித்து விழிப்புடன் இருப்பதோடு உங்கள் சொந்த விடயங்களில் பிறர் தலையிட இடம் கொடுக்காத வகையில் நடந்து கொள்ள வேண்டும். இது போன்ற களவு சம்பவங்களில் பாதிக்கப்பட்ட மக்கள் 911 என்ற எண்ணில் காவல்துறையினையும், தங்களுக்கு அருகாமையில் இது போன்ற குற்றங்கள் நடைபெறுவதாக சந்தேகம் ஏற்பட்டால் 416 808-2222 என்ற எண்ணிலும் அதிகாரிகளைத் தொடர்பு கொள்ள வேண்டும். 
Advertisements

கனடா வல்வை வரலாற்று ஆவணக்காப்பகத்தினரால் வல்வெட்டித்துறையில் ஆரம்பிக்கப் பட்ட Images of Valvai யை மக்கள் பார்வையிட்டுக் கொண்டிருக்கின்றனர்.

புலம் பெயர்ந்த மக்கள் தாயகத்திற்குச் சென்று, உங்கள் பெருமைமிகு மண்ணின் வரலாறு, பாரம்பரியம், கலை, கலாச்சாரம் ஆகியவற்றைத் தேடுவோர்களை உங்கள் குடும்பத்தினருடன் வருக வருக என வல்வை வரலாற்று ஆவணக்காப்பகம் அன்புடன் வரவேற்கிறது.

செல்பவர்கள் நீங்கள் வசிக்கும் நாட்டின் வரலாற்று நூல் (Hard Cover) ஒன்றை உங்களுடன் எடுத்துச் சென்று முடியுமானால் அன்பளிப்புச் செய்யுங்கள்.

தொடர்புகட்கு :-
உள்ளுர் 0779789579
கனடா 416- 438 7650

“உறவுகள் உறுதுணை” என அவ்வையார் சொன்னார்.
ஏற்கனவே பல உதாரணங்கள் எமக்குத்தெரிந்திருந்தாலும், இந்த படம் எடுத்த விதம் எமக்கு என்றும் மறவாத பாடம்!
நிச்சயம் இப்படத்தை எடுத்த கலைஞர்களை பாராட்டியே ஆகவேண்டும்!

குழந்தைகள் கவனம்!
ஜன்னல் அருகே எக்காரணமும் கொண்டும் திறந்த ஜன்னல் அருகே குழந்தைகளை விடாதிர்கள்!!

 

 

திரு நடனசபாபதி ஞானவேல் (முன்னாள் வல்வை நகரசபை செயலாளர்)
தோற்றம்: 19.05.1937                மறைவு : 03.08.2012

வல்வெட்டித்துறை உடையாமணலை  பிறப்பிடமாகவும், கொழும்பு வெள்ளவத்தையை தற்காலிக வதிவிடமாகவும் கொண்ட முன்னாள் வல்வெட்டித்துறை நகரசபைச் செயலாளர்  நடனசபாபதி ஞானவேல்அவர்கள் 03 .08 .2012 வெள்ளிக்கிழமை அன்று காலமானார்.

அன்னார்  நடனசபாபதி தங்கரத்தினம் தம்பதியினரின் அன்பு மகனும், காலஞ்சென்ற நடராஜா, தங்கரத்தினம் தம்பதியினரின் அன்பு மருமகனும்,  மகேஸ்வரி( பேபி டீச்சர் ) அவர்களின் அன்புக் கணவரும்,
ரஞ்சிதா, கவிதா ஆகியோரின் பாசமிகு தந்தையும்,

நடேசன்-வல்லிபுரம், பரந்தாமன்-சிவசுப்பிரமணியம் ஆகியோரின் அன்பு மாமனாரும்,
மயூரன், ஆரணி, ஹர்ஷன், சஞ்ஜித் ஆகியோரின் பாசமிகு பேரனும்,

தையல்நாயகி, ஐயாத்துரை, காலஞ்சென்ற விநாயகமூர்த்தி, தங்கலெட்சுமி, செல்லமுத்து ஆகியோரின் அன்புச் சகோதரனும்,
காலஞ்சென்ற பாஸ்கரானந்தவேல், நாகேஸ்வரி, மகாலட்சுமி, செல்வராசா, மயூரேசமூர்த்தி, ராஜேஸ்வரி, காலஞ்சென்ற இரத்தினேஸ்வரி ஆகியோரின் அன்பு மைத்துனரும் ஆவார்.

இறுதிக்கிரியைகள் கே.கே.ஸ் வீதியில் அமைந்துள்ள அன்னாரின் இல்லத்தில் இடம்பெற்று தகனக்கிரியைக்காக அன்னாரின் பூதவுடல் ஞாயிற்றுக்கிழமை காலை 10 .00 மணியளவில் ஊரணி இந்து மயானத்தில் அடக்கம் செய்யப்பட்டது.

இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம்.

தகவல்:- குடும்பத்தினர்

தொடர்புகளுக்கு: 
மனைவி (பேபி டீச்சர்) :  +94 778107419        +94 758522172

மைத்துனர் (செல்வராசா) – +1 905 673 3193 

சகோதரி (தையல்நாயகி) – +1 905 887 0750

சகோதரன் ( ஐயாத்துரை) – +91 4312780379

சகோதரி (செல்லமுத்து) – +91 9600198399