நீங்கள் இதுவரை பல யூடியூப் வீடியோக்களை பார்த்து ரசித்திருக்கலாம். அவை எல்லாமே பெரும்பாலும் நிமிடக்கணக்கில் ஓடும் குவிக் பைட் ரகங்கள். இதற்கு மாறாக ஜானி லாசனின் நீர்விழ்ச்சி வீடியோ எட்டு மணி நேரம் ஓடக்கூடியது!

எட்டு மணி நேர வீடியோவா என ஆச்சர்யமாக இருக்கிறதா? அதைவிட ஆச்சர்யம் அந்த வீடியோ ஏற்படுத்திவரும் விளைவு.

தூக்கமில்லாமல் தவிக்கும் பலருக்கு அந்த வீடியோ தான் தாலாட்டாக அமைந்து, மன நமைதியை அளித்து நன்றாக தூங்கவும் வைக்கிறது. இந்த வீடியோ ஏற்படுத்தும் தாக்கம் காரணமாக மருத்துவமனை ஒன்றில் இதை தூக்கமின்மை தொடர்பான ஆய்வுக்கான கருப்பொருளாக சேர்த்திருக்கின்றனர் என்றால் பார்த்துக்கொள்ளுங்கள்!

இந்த வீடியோவை பார்க்கும் போது மரங்கள் அடர்ந்த காட்டுக்குள் இருப்பது போல உணர்வு ஏற்படுகிறது. இடையே நீரின் சளசளப்பும் பறவைகளின் சங்கீதமும் கேட்டுக்கொண்டே இருக்கின்றன.இயற்கை ஆட்சி செய்யும் இடங்களில் மட்டுமே கேட்கக்கூடிய இன்னும் சில அற்புத ஒலிகளும் கேட்டுக்கொண்டே இருக்க அந்த நிர்விழ்ச்சியை பார்த்துக்கொண்டே இருக்கலாம்.

இந்த வீடியோவை பார்த்துக்கொண்டிருக்கும் பலரும் நடுவிலேயே தூங்கி விடுகின்றனர். பின்னர் திடிரென கண் விழித்துப்பார்த்தால் வீடியோ ஓடிக்கொண்டே இருக்கும். அது தரும் இதத்தால் மீண்டும் தானாக தூக்கம் வந்துவிடும் என்கிறார் வீடியோவை உருவாக்கிய ஜானி லாசன். அதனால் தான் இந்த வீடியோவை 8 மணி நேரம் ஓடக்கூடியதாக படம் பிடித்ததாகவும் சொல்கிறார்.

நீர்விழ்ச்சி விடீயோ